რეფლექსია - დღე მცხრე

ინტელის კურსი დავასრულეთ. კურსის განმავლობაში შევისწავლეთ პროექტებით სწავლება. მივიღე პასუხები კითხვებზე:

1. როგორ შეიძლება გამოვიყენოთ ტექნოლოგიები ყველაზე ეფექტურად სწავლების პროცესის ხელშეწყობისა და მოსწავლეთა სწავლის შესაფასებლად?

2.როგორ დაეხმარება პროექტები ჩემს მოსწავლეებს სასწავლო სტანდარტის მიღწევასა (ეროვნული სასწავლო გეგმის შედეგზე გასვლაში) და 21-ე საუკუნის უნარ-ჩვევების განვითარებაში?

3.როგორ გამოვიყენოთ პროექტები სწავლის პროცესის გაუმჯობესებისთვის?

ტრენინგზე მიღებული ცოდნა გამომადგება, რათა შემდგომში შევძლო:

• პროექტის დაგეგმვისა და პროექტების სწავლებაში დანერგვის მიდგომის განხილვა
• პროექტების გამოქვეყნება სხვებისთვის გასაზიარებლად
• რეფლექსია სწავლაზე
• ტექნოლოგიებით გამდიდრებული სასწავლო პროექტის დაგეგმვა, რომლის მიზანია მაღალი დონის სააზროვნო და 21-ე საუკუნის უნარ-ჩვევების განვითარება.        მადლობა მოდულის ავტორებს და ტრენერს.

დღე მერვე

დავასრულე და გამოვაქვეყნე პროექტის პორტფოლიო

პროექტის პორტფოლიო

პორტფოლიოს სანახავად გადადით ბმულზე:

რეფლექსია - დღე მეშვიდე

დღეს გავაკეთე შეფასების მოკლე მონახაზი,  ანუ სიტყვიერად აღვწერე, თუ რაში გამომადგება პროექტის თითოეულ ეტაპზე დაგეგმილი შეფასების ინსტრუმენტები.
ასევე ჩავწერე, რა წინარე ცოდნა სჭირდება მოსწავლეს იმისათვის, რომ სრულყოფილად ჩაერთოს პროექტში და შეასრულოს ყველა დავალება. ბოლოს გავწერე პროექტის მიმდინარეობა. მინდოდა მოსწავლის ნიმუშის დასრულება, თუმცა ვერ მოვასწარი, საკმაოდ შრომატევადი სამუშაოა.

დღე მეექვსე

დღეს  შეფასებებზე და შეფასების ინსტრუმენტებზე ვიმუშავეთ. დავამზადე შეფასების რუბრიკები და მოვათავსე შესაბამის საქაღალდეში. დავიწყე მუშაობა მოსწავლის პრეზენტაციის ნიმუშზე, თუმცა ვერ დავასრულე. საკმაოდ შრომატევადია. საინტერესო და დამღლელი დღე იყო.

რეფლექსია- დღე მეხუთე

მეხუთე დღეს მოტივირებული ვიყავი საკმაოდ. დავამზადე ორი ჩეკლისტი დისკუსიისათვის და პრეზენტაციისათვის. გამოვიყენე საკვანძო კითხვები. ასევე მოვიძიე ინტერნეტში ნახატები, რომლებიც გამოადგებათ მოსწავლეებს და ჩავაწყვე ფოტოებისა და ვიდეოების განყოფილებაში. დავიწყე მუშაობა პროექტის მიმდინარეობაზე.

დღე მეოთხე

დღეს საბოლოოდ ჩამოვაყალიბე მიზნები და შედეგები, ასევე შევიმუშავე მიმართულების მიმცემი საკვანძო კითხვები. განვასხვავეთ ზოგადი, თემატური და შინაარსობლივი კითხვები. დავამატე რესურსები, რაც გამომადგება შემდგომ მუშაობაში. ასევე ვისწავლეთ ბუკლეტების შექმნა, რაც ძალზე საჭირო და საინტერესოა. მიღებული ცოდნა უთუოდ დამეხმარება მომავალ პროექტებზე მუშაობაში.

რეფლექსია - დღე მესამე

დღეს ახალი პროექტის გაკეთება მომინდა. თემა ასეთია - ,, რატომ არიან შედევრები შედევრები?"  დავწერე შინაარსი, გავწერე შესაბამისი სტანდარტი და ნაწილობრივ მიზნები. რესურსებში ჩავამატე საჭირო მასალა. შემდეგ გადავერთე ბლოგის დიზაინის კეთებაზე და დიზაინში ჩავიკარგე.

დღე მეორე

  საინტერესო დღე იყო. შევქმენით ჩვენი პორტფოლიო. "ჩავაწყვეთ"  შიგ საჭირო მასალები. თემა შევარჩიე, რა თქმა უნდა, სტანდარტებიდან გამომდინარე, თუმცა ტრენინგის ბოლოს მივხვდი, რომ სულ სხვა თემაზე მომინდა პროექტის გაკეთება. მაგალითად ასეთი - " ჩვენ ვხატავთ გრძნობებს". პირველი თემა იყო - " ჩვენ ვართ ანიმატორები". თუკი ყოველდღე ორი თემა მომივა აზრად, მაინტერესებს, ტრენინგის ბოლოს რა თემა მექნება.😏😊

რეფლექსია - დღე პირველი

13.05.2017 წ.

პროექტებით სწავლება- შთამბეჭდავი სათაურია. ალბათ შედეგიც ასეთივე იქნება. სამუშაო უამრავი ჩანს. ალბათ ძალიან დამღლელიც იქნება, თუმცა  ღირს ჩიტი ბდღვნად.